காலிப்பானை நண்டு சத்தம்
கேட்டு குவிஞ்ச நண்டு பத்தும்
மாட்டிக்கிட்டு தவிச்சு சுத்தும்
கணக்கு தம்பி மார்க்கெட் பக்கம்
அள்ளி அள்ளி காசைச் சேத்து
அலப்பறைல கெத்து காட்டும்
தன்னைத் தானே மெச்சி பேசி
திரியுதுங்க கிறுக்கு கூட்டம்
அட்வைசு அள்ளிவிட்டு
காலரையும் தூக்கி விட்ட
அப்பரசிண்ட்டு பேச்சைக் கேட்டு
அள்ளிப்போட இருக்கு கூட்டம்
இருக்கதை தான் குவிச்சு சேத்து
அடுத்தவன்ட பேச்சகேட்டு
அரண்டு திரியும் கூட்டம் ரெண்டு
அறிஞர் பட்டம் கேட்டு நிக்கும்
காலிப்பானை நண்டு சத்தம்
கேட்டு குவிஞ்ச நண்டு பத்தும்
மாட்டிக்கிட்டு தவிச்சு சுத்தும்
கணக்கு தம்பி மார்க்கெட் பக்கம்
எனக்கும் உனக்கும் புரியாம
புதுசு புதுசா கதையச் சொல்லும்
கேள்வி கேட்டா பதிலு இல்லை
கேட்டவனை மொறைச்சு பாக்கும்
வைச்சுக்கிட்டா வஞ்சம் பண்ணும்?
தெரிஞ்சுக்கிட்டா மறைச்சு வைக்கும்?
போற வழிக்கு தொணையத் தேடி
இழுத்து போக வந்து நிக்கும்
பேச விட்டு கேட்டு பாரு
மனசுக்குள்ள சிரிச்சு கேளு
உன்னை போல அறிவாளி
உலகிலில்லை சொல்லி ஓடு
காலிப்பானை நண்டு சத்தம்
கேட்டு குவிஞ்ச நண்டு பத்தும்
மாட்டிக்கிட்டு தவிச்சு சுத்தும்
கணக்கு தம்பி மார்க்கெட் பக்கம்
சேக்குறவன் சேக்குறப்ப
வாழுறத பாப்போம் நாம
சேத்த பின்னே ஓடி வந்தா
வாழும் வழி சொல்லி வைப்போம்
No comments:
Post a Comment