பௌ ஸ்டிக் வருடலோ?
வயலின் குரலோ?
வலக்கை நெருட
இடக்கை வசப்படும்
கிட்டாரே நீயோ?
அழுத்தும் இடத்தை
விட்டுப்பிடித்தே வலமாய்
வளம் வரும் சித்தாரோ?
வலமும் இடமும்
சேர உழைத்தே
இழைத்திடும் ஹார்ப்போ?
செல்லோ, பியானோ
நரம்புகள் எத்தனை
உன் விழி பார்வையில்?
உதடு தொடும்
புல்லாங்குழல் நான்
விரலிசை மீட்டிடு!
தலையாட்டி நீ இசைக்க
கூம்பிசை கருவிக்கும் உன்
விரல்பட ஆசை!
நாதஸ்வரம், காகளம்
டிட்ஜெரிடு எல்லாம் உன்வசம்...
ஊதித் தள்ளேன்!
எத்தனை எத்தனை
விதமோ இசைக்க,
எல்லாம் இனிக்கும்!
அத்தனை அத்தனை
இசைக்கும் விருப்பம்
உன்பெயர் சொல்லிட!
இன்னொரு கருவி
பிறந்து வளர்ந்ததோ
கூட உன்னிடம்?
மீண்டிடும் வழியை
சொல்லித் தந்தே
தூண்டில் விடுவாயா?
மீட்டிடும் வழியோ
அறிந்தவனில்லை...
கற்றுக் கொடுப்பாயா?
அடியே!
அத்தனை அத்தனை
இசைக்கும் விருப்பம்
உன் விரல் பற்றிட
அத்தனை அத்தனை
இசையும் வேண்டிடும்
உன் இதழ் ஒத்தடம்
No comments:
Post a Comment